Wednesday, May 22, 2024

पहिचानकै आधारमा कोशी प्रदेशको नाम राख्न प्रचण्डलाई दबाब

ताजा / भरखरै प्राप्त

सत्तारुढ नेकपा (माओवादी केन्द्र) निकट जनवर्गीय संगठनहरूले कोशी प्रदेशको नामकरण फेरेर पहिचानको आधारमा राख्न माग गर्दै प्रकिराती राष्ट्रिय मुक्ति मोर्चा, लिम्बूवान राष्ट्रिय मुक्ति मोर्चालगायतका जातीय संगठनका पदाधिकारीसहितको प्रतिनिधिमण्डलले बालुवाटार पुगेर ज्ञापनपत्र बुझाएका छन्।धानमन्त्री पुष्पकमल दाहाल ‘प्रचण्ड’ समक्ष ज्ञापनपत्र बुझाएका छन्।

प्रदेशको नाम कोशी भएपछि उत्पन्न परिस्थितको तत्काल वार्ताबाट हल गर्न र आन्दोलनको क्रममा निधन भएकाको परिवारलाई क्षतिपूर्तिको व्यवस्था गर्न पनि ती संगठनले माग गरेका छन्। 

ज्ञापनपत्रमा पार्टीले पहिचानको पक्षमा उठेको आन्दोलनको अपनत्व लिँदै नेतृत्वदायी भूमिका खेल्न प्रधानमन्त्रीसँग आग्रह गरिएको लिम्बुवान राष्ट्रिय मुक्ति मोर्चाका वरिष्ठ उपाध्यक्ष प्रेम मिवकले बताए।

यसअघि कोशी नामकरणको पक्षमा माओवादीका सबै सांसदहरूले प्रदेशसभामामा भोट हालेका थिए। 

त्यसबेला कमजोरी भएको भन्दै माओवादीको बुधबार बसेको पदाधिकारी बैठकले पहिचानकै पक्षमा उभिने निर्णय गरेको थियो।

spot_imgspot_img
spot_img

लोकप्रिय

Related Articles