काठमाडौं । हलिउड अभिनेत्री एम्बर हर्डले पछिल्ला केही महिनायता कठिन अवस्थाको सामना गरिरहेकी छन् । पूर्वपति जोनी डेपसँग मुद्दा हारेपछि पनि उनी प्रशंसकको आलोचनाको सिकार हुनुपर्यो ।
यतिबेला अभिनेत्री हर्डलाई पैसाको जरुरत छ । अभिनेता डेपसँग मुद्दा हारेपछि अदालतले उनलाई १५ मिलियन डलर क्षतिपूर्ति तिर्न आदेश दिएको छ ।यद्यपि, अदालती आदेशप्रति निराश हुँदै हर्डले पुनरावलोकन अपील दायर गरेकी छन् । तर क्षतिपूर्ति तिर्ने आफ्नो आदेशलाई अदालतले उल्टाउने सम्भावना निकै कम छ ।
