एक जँड्याहा लोग्ने जसलाई हरेक रात आफ्नी पत्नीलाई कुटेकोमा कुनै पछुतो छैन । पत्नी चाहिं पुरुष हिंसालाई टाउकोमै बोकेरै भए पनि माया दर्शाइरहेकी हुन्छिन् ।
शरीरमा चारैतिर चोट हुँदाहुँदै पनि हरेक बिहान पतिको लागि अम्लेट तयार पार्न पत्नीलाई कुनै समस्या छैन । यो दृश्य भारतीय परिवारमा हरेक बिहान देखिन्छ, तर यसको चर्चा बिरलै हुन्छ ।
डार्क कमेडी फिल्मको लागि घरेलु हिंसाको विषयवस्तु उठान गर्नु पक्कै सजिलो कुरा होइन, तर आलिया भट्ट, सेफाली साह र विजय बर्मा स्टारर फिल्म ‘डार्लिङ्स’ले दर्शकको दिमाग हल्लाउँछ ।
जस्मित के रीनको डेब्यु निर्देशन रहेको फिल्म विचित्र सुनिन्छ र देखिन्छ । महिला र पुरुषविरुद्ध हुने हिंसालाई कसरी सामान्यीकरण गरिएको छ भन्ने कथा यसले पेश गर्छ । यस्ताखाले गतिविधिलाई कुनै पनि तर्कले उचित ठहर्याउन त सकिंदैन, तर सुरुदेखि अन्तिमसम्म फिल्म हेर्दा निकै रोचक लाग्न सक्छ । कसिलो पटकथा र द्वन्द्वको विकासले दर्शकलाई गज्जबले इन्गेज गराउँछ ।
