Sunday, June 16, 2024

रौतहटका किसान भन्छन् : साउन सकियो, न पानी पर्‍यो न मल पाइयो

ताजा / भरखरै प्राप्त

रौतहट, ०३ भदौ । रौतहटको दुर्गा भगवती गाउँपालिका वडा नं. २ भलोहियाका कृषक रामचन्द्र दासलाई यो वर्ष न मलले साथ दियो न पानीले । उनी असारमा धानको बीउ राख्ने तयारीमा थिए तर मल पाएनन् ।

उनले पनि पानी नपरेकाले समयमै रोपाइ गर्न सकेनन् । जेनेतन कुलो र बोरिङको पानीले भएपनि रोपाइ त गरे । तर खेतीका लागि प्रयाप्त पानी नपरेपछि लगाएको धानसमेत सुक्दै गएका छन् । ‘पानी पर्दैन, खेत पटपटी फुटेर चिरा पर्न थाल्यो,’ उनले भने ‘सिंचाइ पुगेन भने धान फल्दैन । धान नफले के खाने ?’

आफ्नो खेत नभएपछि उनले लिजमा लिएर धान खेती गर्ने गरिरहेका थिए् । आकाशे पानीको भरमा धानको बीउ पनि राखिन् । तर खेतीका लागि प्रयाप्त पानी नपरेपछि उनले धान रोप्न सकेका छैनन् । ‘धानको बीउ खेतमै छ,’ उनले भने्, ‘धान रोप्न नसकेपछि बीउ पनि पहेलो भइसक्यो । त्यस्तै रौतहटका अधिकांस किसानहरुको पीडा पनि उस्तै छ ।

रौतहटमा यस वर्ष पानी नपरेपछि धान खेती प्रभावित भएको छ । आकाशे पानीको भरमा खेती हुँदै आएको जग्गा बाँझै छन् भने धान रोपेका खेतका गह्रा सुकेर चिरा पर्न थालेका छन् ।

धान रोपाइँ गर्न रासायनिक मलको अभाव भोगेका किसानलाई यसपटक मौसमले समेत साथ दिएको छैन । यो वर्ष धान खेतीका लागि पानी नपरेपछि जिल्लाका केही ठाउँमा अझै रोपाई हुन सकेको छैन ।
‘असार महिनामा मुस्किलले थोरै पानी प¥यो । थोरै पानीको भरमै किसानले जसोतसो धान रोपाइँ गरे, तर धानलाई चाहिने पानी अझै पर्न सकेको छैन ।’

भदौ महिना सुरू भए पनि पानी नपर्दा किसानले रोपेको धानको गह्रा चिरा परेका छन् । ‘सिंचाइँ सुविधा पुगेको ठाउँमा मात्रै रोपाइँ भएको छ । जहाँ सिंचाई सुविधा छैन त्यहाँ धान रोपाइँ हुन सकेको छैन’, ‘पानी परेन भने त धान रोपाइँ नहुने अवस्था भयो ।’

सिंचाई सुविधा नपुगेका स्थानमा भूमिगत पानीमार्फत पनि सिंचाई सुविधा पु¥याउन किसानहरुले सरकारको ध्यानाकर्षण गराउँदै आएका छन् । तरभने तिनै तहका सरकार भने कानमा तेल हालेर सुतेका एक पिडित किसानले बताए ।

spot_imgspot_img
spot_img

लोकप्रिय

Related Articles