८ भदौ, काठमाडौं । यू-२० राष्ट्रिय फुटबल टोलीका प्रमुख प्रशिक्षक मेघराज केसीले यू-२० एसिया कप छनोटका लागि प्रारम्भिक टोलीको घोषणा गरेका छन् ।
टोलीमा स्यान्सु भुषाल सहित सात नयाँ खेलाडी समावेश गरिएको छ भने फरवार्ड दिपेश राई छैनन् । गोलरक्षकमा तोपबहादुर राना नयाँ हुन् ।
डिफेन्डरमा तीन खेलाडी नयाँ थपिएका छन् । जसमा स्यान्सु भुसाल, शेखर खवास र राज थोकर छन् । मिडफिल्डरमा राकेश विश्वकर्मा र सञ्जीव लामा नयाँ हुन् । त्यस्तै फरवार्डमा साफ यू–२० टोलीका निरञ्जन मल्ल र रोहन खड्की मात्र अटाएका छन् ।
यू-२० टोलीले एन्फा कम्लेक्स सातदोबाटोमा तयारी गरिरहेको छ । सेप्टेम्बर १० देखि १८ सम्म बहराइनमा हुने यू-२० एसिया कप छनोटको समूह बीमा रहेको नेपालले घरेलु टोली बहराइनसहित, कतार बंगलादेश र भूटासँग खेल्ने छ ।
नेपालको प्रारम्भिक टिम
गोलकिपर : ईश्वर गुरूङ्ग, युनेश चौधरी, जियारत शेख र टोपबहादुर राना
डिफेन्डर : अमर श्रेष्ठ, अजय चौधरी, सुमित श्रेष्ठ सिर्जन धानी, अभिषेक वाइबा जान ताम्ली शेखर खवास स्यान्सु भुसाल र राज थोकर
मिडफिल्डर : दिपेश गुरुङ्ग आशिष राई सन्दीप कार्की जन्मजय धामी कृतिश रत्न छुन्जु सुगम सुवाल मनज्ञ नगर्मी आयुश घलान राकेश विश्वकर्मा सञ्जिव लाम
फरवार्ड : निरञ्जन मल्ल र रोहन खड्गी
