Saturday, July 13, 2024

‘सरकारबाट बाहिरिने कुनै परिस्थिति नै बनेको छैन – राउत

ताजा / भरखरै प्राप्त

 फागुन १६ , काठमाडौँ।’सरकारबाट बाहिरिने कुनै परिस्थिति नै बनेको छैन । अरु पार्टीहरु त माग पूरा भएन, कसैलाई राष्ट्रपति भएन, कसैलाई मन्त्रालय भएन भनेर बारिरिएका छन् । जनमत पार्टीको लागि कुनै त्यस्तो कुनै नयाँ परिस्थिति सिर्जना भएको छैन’।

जनमत पार्टीका अध्यक्ष डा. चन्द्रकान्त राउतले राष्ट्रपति चयनको क्रममा आफूहरुले स्वच्छ छवि भएको र दल विशेषको भूमिका नखेल्ने व्यक्ति खोजेको बताएका छन् । सोही बमोजिमको पात्रको रुपमा रामचन्द्र पौडेललाई आफूहरूले समर्थन गरेको राउतले बताए ।

राष्ट्रपति र सभामुख एउटै पार्टीलाई दिन नहुने पक्षमा जनमत पार्टी रहेकाले पनि पौडेललाई समर्थन गरेको उनको भनाइ थियो ।

मंगलबार काठमाडौंमा आयोजित विद्यार्थी संघको केन्द्रीय बैठक तथा प्रशिक्षण कार्यक्रमपछि सञ्चारकर्मीसँग यस्तो बताएका हुन् । राष्ट्रपति र सभामुख एउटै दलको भएमा निरंकुशता जन्मिनसक्ने उनको तर्क छ । यस क्रममा आगामी राष्ट्रपतिले संसदबाट पारित भएका विधेयकहरुलाई उदारतापूर्वक प्रमाणिकरण गर्नुपर्ने पनि उनले बताए ।

राउतले भनेका छन्, ‘विगतमा भोग्यौं दुबैवटा सदनबाट पारित भइसकेको विधेयकलाई पनि राष्ट्रपतिज्यूले फिर्ता गरिदिनुभयो । अड्काइदिनुभएको छ । हाम्रो धारणा के छ भने राष्ट्रपतिमा स्वच्छ व्यक्ति हुनुपर्दछ । कुनै राजनीतिक दल विशेषको भूमिका नझल्कने खालको व्यक्ति हुनुपर्छ र नागरिकता विधेयक लगायत कुरालाई उदारतापूर्वक तरिकाले जुन विधेयक पारित गरेर त्यहाँ पठाइन्छ त्यसलाई पारित गर्न सक्नुपर्छ । त्यस्तो खालको हुनुपर्छ भन्ने हाम्रो धारणा रहेको छ । सभामुख र राष्ट्रपति सकेसम्म एउटै दलको नहोस् भन्ने हामी चाहन्छौं । किनभने त्यसले देशमा निरंकुशता जन्माउन सक्छ भनेर प्रसस्त आधारहरु रहेका छन् । त्यसैले हामीले नयाँ गठबन्धनले प्रस्तावित गरेको राष्ट्रपतिलाई समर्थन दिने पक्षमा रहेका छौँ ।’

यसैबीच आफूहरू सरकारबाट नबाहिरिने उनले बताएका छन् । अध्यक्ष राउतले अन्य पार्टीहरु आफ्नो माग पूरा नभएकाले बाहिरिएको भन्दै जनमत पार्टीका लागि सरकार छोड्नुपर्ने कुनै परिस्थिति नआएको बताए ।

माओवादी केन्द्रकै नेतृत्वमा सरकार रहेकाले सरकार बदलिएको भन्न नमिल्ने पनि उनको भनाइ थियो । सरकारमा सामेल भएका दलहरु फेरिने भए पनि सरकार नफेरिने भन्दै जनमत पार्टी सरकारमा यथावत रहेको उनले बताए ।

‘अहिले त्यस्तो कुनै महत्वपूर्ण परिस्थिति भएको छैन जसले सरकार बाहिर आउनु परोस् भन्ने परिस्थिति बनेको छैन । जनमत पार्टीका लागि सरकारबाट बाहिरिने कुनै परिस्थिति नै बनेको छैन । अरु पार्टीहरु त माग पूरा भएन, कसैलाई राष्ट्रपति भएन, कसैलाई मन्त्रालय भएन भनेर बारिरिएका छन् ।

spot_imgspot_img
spot_img

लोकप्रिय

Related Articles