रौतहट, १३ फागुन । रौतहटमा जग्गाको बिषयमा दुई जनाबिच हात हालाहाल (कुटपिट) हुँदा एक जनाको मृत्यु भएको छ । रौतहटको दुर्गा भगवती गाउँपालिकामा जग्गाको बिषयलाई लिएर भएको विवाद चर्किदै गएपछि भएको हात हालहालमा दुर्गा भगवती २ भलोहियाका ४० वर्षीय जयप्रकाश महतोको मृत्यु भएको हो ।
दुर्गा भगवती २ भलोहिया (हाल पिपरा सिमाना) मा बस्दै आएका ४० वर्षीय जयप्रकाश महतो र सोही स्थानका ५० वर्षीय चन्देश्वर महतोबिच शुक्रवार दिउँसो २ बजे हात हालाहाल हुँदा दास भुइँमा लडेका थिए । लडेर अचेत भएका उनलाई उपचारका लागि प्रादेशिक अस्पताल गौरमा लैजाँदा डाक्टरले मृत घोषणा गरेको प्रहरीले जनाएको छ।
हत्यामा संलग्न भएको आरोपमा एक जनालाई पक्राउ गरिएको प्रहरीले जनाएको छ । घटनाबारे थप अनुसन्धान भइरहेको समेत रौतहट प्रहरी प्रमुख एसपी महेन्द्र कुमार श्रेष्ठले जानकारी दिए ।
