Saturday, July 13, 2024

जनता यस पालि परिवर्तनको पक्षमा छ – उम्मेदवार साह

ताजा / भरखरै प्राप्त

रौतहट, २० कात्तिक। निर्वाचन क्षेत्र नम्बर २ को प्रतिनिधिसभा सदस्यका उम्मेदवार जनता समाजवादी पार्टी नेपालका शैलेन्द्र साहले यस पालि जनता परिवर्तनको पक्षमा रहेकोले जसपाको जित सुनिश्चित रहेको बताएका छन ।

रौतहट जिल्लाको ईशनाथ नगरपालिका वडा नम्बर ३ औरैयामा घरदैलो गर्ने क्रममा संचारकर्मीहरु सित कुरा गर्दै साह ले पुस्ताको रुपमा बुझेका यो क्षेत्रमा परिवर्तन हुने दाबी गरे । स्वतन्त्र रुपमा उम्मेदवारी दिएहरुले पराजयको डरले विभिन्न किसिमका अफवाह फैलाउने गरेकोले भ्रमको पछाडि नलाग्न मतदाताहरुलाई आग्रह समेत गरे । नेकपा एमाले जसपा गठवन्धनका उम्मेदवारको अवस्था बलियो भएको देखेर बाम लोकतान्त्रिक गठवन्धन विचलित भएको दाबी गरे ।

नेपाली कांग्रेसबाट उम्मेदवार बनेका डा.फिरदोस आलम हत्या आरोपि आफ्नो बुवाको नाउमा राजनीति गर्न लागेकोले जनता परिवर्तन गर्न तत्पर रहेको उनले बताए । स्वर्गीय शेख इद्रीस पछि हत्याको आरोपमा कारागारमा बन्दी जीवन बिताइ रहेका पूर्व मन्त्री आफताव आलम र चाचा मोहमंद महताव आलमको तस्वीर सहितको पोस्टर पम्पलेट प्रयोग गरेर प्रचार प्रसार गर्दै आएका कांग्रेसका उम्मेदवार सफल नहुने उनले बताए । जसपाको तर्फ बाट प्रदेशसभा सदस्यमा समानुपातिक उम्मेदवार रहेकी शोभा देवी साहले विपक्षीले जति अफवाह फैलाए पनि जित जसपाको हुने दाबी गरिन । सभार- जनकपुर टुडेबाट

spot_imgspot_img
spot_img

लोकप्रिय

Related Articles